البيكاتا بالمشروم ازاي تعمليها زي المطاعم

 

المقادير :

لحمة إستيك سمكها متوسط…
بصل..جزر..كرفس..
.مشروم طازة احلى…
مكرونة شرايط فيتوتشينى …
كوب كريمة طبخ…
شوربة..
ملح وفلفل..زبدة..

الطريقة ..

تبلى الاستيك ملح وفلفل وفى طاسة فيها زبدة وزيت شوحى الاستيك حتى يتحول للون الذهبى إرفعيه من ع النار وفى نفس الطاسة شوحى البصل وجزر وكرفس مكعبات مجرد ما يدبلو إطفى النار …
ضعى اللحم فى صنية تدخل الفرن مع جزء من البصل والجزر والكرفس دخليهم الفرن حتى يستوى اللحم ..فى طاسة اخرى شوحى المشروم المقطع والمتبل بالملح والفلفل …سخنى الشوربة المتاحة عندك سواء لحمة او فراخ وضيفى الجزء المتبقى من البصل والجزر والكرفس…إلا ان تقوم بالغليان صفيها من الخضروات وضيفى ..كوب الكريمة والمشروم وهدى النار..تغلى الشوربة بالكريمة إطفى النار وإرفعيها من على البوتجاز…
.المكرونة إسلقيها وشوحيها فى زبدة وملح وفلفل مع مية بسيطة إذا كانت مسلوقة من ساعات..فى طبق التقديم رصى اللحم الاستيك وعليه الصوص وبجانبه المكرونة المسلوقة…وضيفى باقى الصوص فى بولة او.لبانة للكريمة صغيرة للرغبة…