التطعيمات والأطفال

كتير من اطفالنا بيعانوا من نقص مناعتهم و تكرار التعب عليهم
وكتير بنفكر ازاي نرفع المناعة و ندي ايه لاطفالنا عشان مناعتهم تتظبط
بس بننسى دايما اهم حاجة
《الوقاية خير من أي علاج》
☆ الطفل لما بيتعب كتير بياخد ادويا شديدة و دي بتاثر كتير في مناعته .
☆عشان نقدر نبنيها الموضوع بياخد وقت طويل و مجهود و كمان مينفعش الطفل يتعب بسرعة تاني
☆ فلو الطفل تعب مرتين ورا بعض في اقل من شهر مناعته بتبقى تحت الصفر
وعشان نبنيها تاني ده بياخد وقت طويل و الطفل ممكن يفضل سنتين على ما يتعافى كلية من التاثير ده
☆ وطبعا ده غير ان نقص المناعة ده بيخلي الطفل عرضة لامراض كتيرة ورا بعضها .. دايرة مغلقة صعب نطلع منها

#التطعيمات الاضافية

#زي ايه ؟

💠 زي تطعيم الروتا
اللي بيحمينا من النزلات المعوية ( الاسهال + الترجيع + السخونية+ الجفاف )
💠زي تطعيم المكورات الرئوية
اللي بيحمينا من النزلات الشعبية و الرئوية ( كحه شديدة +بلغم ع الصدر + صعوبة في التنفس + نهجان شديد )
💠زي تطعيم الالتهاب السحائي
( سخونية شديدة + تشنجات + غيبوبة + توهان و تغيير في الشخصية )
💠زي تطعيم الالتهاب الكبدي الفيروسي الف 《HAV》
( اصفرار في الجسم + تضخم في الكبد+ علو انزيمات الكبد+ فقدان الشهية + وجع شديد في البطن )
💠زي تطعيم الجديري المائي
(طفح جلدي + سخونية + فقدان للشهية )
■ طبعا الامراض دي للاسف رغم خطورتها مش مدرجة في جداول التطعيمات الدورية
…الالتهاب السحائي بدؤوا يدوه للاطفال في المدارس و الحضانات و دي خطوة جيدة
🔻بس الباقي مهم جدا و اتمنى ييجي اليوم اللي يندرجوا فيه مع بقية

1.تطعيم الروتا

2. تطعيم المكورات الرئوية

3.تطعيم الجديري المائي

4.تطعيم الالتهاب الكبدي الفيروسي ا

5.تطعيم ضد الالتهاب السحائي

#ملحوظة هامة

١.التطعيمات الإضافية مهمة جداً ،، لو مش هتقدرى تاخديها كلها خدى الروتا والمكور وذلك أضعف الإيمان !
٢. لو طفلك عمره ٣ شهور و ٢١ يوم وماخدش الجرعة الأولىٰ خلاص الروتا راح عليه ، أقصىٰ معاد لأخذ آخر جرعة روتا ٨ شهور ٨ ويوم لأ!
٣. المكور الرئوى والروتا بيبدأوا من شهر ونصف
▪الانفلونزا بعد ٦ شهور
▪الكبدى أ والجديرى من سنة واحنا طالعين
▪المكور مش بعد خمس سنين
▪ الحمى الشوكية بعد سنتين في الأماكن اللى مش فيها “وباء” -زى مصر