 |
| نصائح وارشادات فى تربيه الأولاد |
– الام العصبية
1- أمهات كتير بتقولي انا عصبية وبضرب في الأولاد ومش بعرف اتحكم في أعصابي أحب اقولك الضرب أذى للجسد فقط مش أساس التربية…
2- نتعامل ازاى مع عصبيتنا؟
لما تشوفى نفسك عصبية
☆ابداي خدي شاور …الماء يطفئ الغضب
☆ادخلى اوضتك لدقايق.
☆ابعدى عن ولادك شوبة عشان متصبيش كل الغضب اللى جواكى عليهم
3- حافظى على ورد ثابت من القران يوميا…ولو نصف صفحه من القران..
-بيهدى الاعصاب جدا وبيحافظ على كيمياء المخ انها تتظبط وبيحمى من اى امراض نفسية…
-الصلاة…
لو حسيتى انك متضايقة او مخنوقة
☆اقفلى على نفسك باب وصلى..ولو ركعتين فقط …
☆اعملى لنفسك ركن صلاة فى البيت
والجأى له لما تتعصبى
– طفلك مشاكله مش هتختفى لما ولادك هيكبروا…
– لا انتى اللى عمرك هيضيع
– متفكريش انها مرحلة وهتعدى وبس.
– انتى حياتك هتعدى معاها
– لو مستمتعتيش بتربيتك لاولادك بحب وهما صغيرين
وتستمتعى بوقتك معاهم حياتك هتروح منك
– وتلاقى نفسك بقيتى فى الاربعين والخمسين من عمرك وانتى حاسه ان عمرك ضاع بسببهم.
– العبى…والعبى…والعبى…العبى مع ولادك..وعيشى طفولتك معاهم
هتستمتعى ويستمتعوا معاكى جدا …
– مش هتحسى انك بتقضى مهمة وخلاص بتربيتك ليهم…ولا هتحسى انهم عبء عليكى..
– شغل البيت ممكن يتاجل او اى حد تانى ممكن يعمله بدالك لكن انتى لوحدك #امهم مش حد تانى
– ومحدش يقدر ياخد ابدا مكانك
– استرخى….خدى فترات راحة…
ولو يوم كل شهرين اخرجى لوحدك او مع زوجك…
– جربى تعيشى حياتك فترة كده من غيرهم.
– هيوحشوكى وهتحسى بفرق كبير وهتحسى ان الحياه مفيش فيها روح من غيرهم …
-احب اقول فى النهاية.
■ فيه امهات بتجيلى كتير اوى طفلها متدمر وجاية عشان اشوفله حل…
♡بصراحة انا بشوف انى لو كتبت للام شىء هيكوت افضل
لانها للاسف….هى اللى بيكون عندها المشكلة في الأصل بسبب العصبية والزعيق للطفل ..
دكتور انور مصطفى
