التسميات [posts7]

إغلاق القائمة

تطعيم سولك ضد شلل الاطفال

تطعيم سولك ضد شلل الاطفال
    بقلم د/ انور مصطفي
    حكايه التطعيم ضد شلل الأطفال الجديد الى بيتاخد عن طريق العضل
    لأول مره في مصر من يوم الاحدالماضى
    " الأحد 2018/7/22

    طبقا لمنظمة الصحه العالميه ووزارة الصحه المصريه
    ● يتم تطعيم الاطفال ضد مرض شلل الاطفال باستخدام طعم (سولك)عند عمر 4 شهور سيتم بدء التطعيم به من 22 يوليو لعام 2018.
    (بداية من مواليد 22 مارس 2018 ).
    #السولك :
    ● هو حقن تحتوى على فيروس ميت ويتكون طعم السولك من فيروس شلل الاطفال نمط 1"2"3.
    #كيفية تطعيمه :
    ● يعطي طعم السولك بالحقن جرعه واحدة في الشهر الرابع من العمر نصف سم في الجزء الامامي الخارجي من الفخذ الايسر.
    ● بذلك تكون التطعيمات الإجبارية للأطفال عند إتمام الطفل أربعة أشهر من العمر، هي :
    ☆التطعيم ضد شلل الأطفال الفموي سابين(جرعة ثانية) والجرعة نقطتين على اللسان.
    ☆الطعم الخماسي (جرعة ثانية)
    ☆التطعيم ضد مرض شلل الاطفال حقن (سولك)
    #أسئله شائعه والرد عليها :
    ■ س: ليه بنطعم ضد شلل الأطفال؟ هو فيه حالات في مصر؟..
    ج: آخر حالة اتسجلت في مصر كانت 2004 بس فيه دول لسة فيها المرض وعشان نحافظ على أطفالنا ونحافظ على مصر خالية من المرض لسة بندي التطعيم النقط ودلوقتي هنضيف حقنة كمان ولسة شغالين في الحملات القومية والمحدودة
    ● س: طب ليه مش #مكتفيين_بالنقظ ؟ ليه زودنا حقنة كمان؟
    ● ج: علشان في نص 2016 غيرنا النقط من التركيبة الثلاثية لتركيبة ثنائية واتشال منها #النوع_2 من التطعيم لأنه كان بيعمل أعراض مشابهة لشلل الأطفال وعشان تفضل الحماية مستمرة بندي الحقن اللي فيها لسة الثلاثة أنواع بس الفيروس ميت فهيدي مناعة لكن مش هيعمل الأعراض الشبيهة بالشلل.
    ● س: امتي هندي الحقن دي؟
    ج: هي حقنة واحدة هتتاخد في سن الأربع شهور مع التطعيمات الأساسية اللي بتتاخد في السن ده يعني مش حملة تطعيم ولا حاجة
    ● س: أنا ابني أخد تطعيم الـ 4 شهور خلاص...
    أجيبه المكتب ياخد الحقنة دي؟..
    ● ج: لأ خلاص كدة هو اتطعم خلاص. الأطفال المستهدفين بالتطعيم مواليد 22 مارس 2018 وما بعدها يعني لو ابنك مولود 21 مارس مش هياخدها..
    الحدث السابع
    كاتب ومحرر اخبار اعمل في موقع الحدث السابع .

    مقالات متعلقة

    مشاركتك بالتعليق تعنى أنك قرأت بروتوكول نشر التعليقات على الحدث السابع، وأنك تتحمل المسئولية الأدبية والقانونية عن نشر هذا التعليق
    بروتوكول نشر التعليقات من الحدث السابع
    تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.