الحدث السابع الحدث السابع
جدول مباريات كأس العالم روسيا 2018
recent

الحدث

recent
أخبار عاجلة
جاري التحميل ...

حساسية الأنف وعلاجها للأطفال

كتبها د/انور مصطفي

بمناسبه الجو اليومين دول هنتكلم عن اكتر الامراض انتشارا وهي حساسيه الانف
● من أكتر الأمراض انتشارا بين امراض الحساسيه في الاطفال حساسيه الانف وخاصة قبل سنه حيث ان الطفل مولود بانف صغيره تتاثر باقل شئ
● تكون حساسيه الانف مشتركه في المشكله الاتيه:
▪خنفره من الانف
▪خرفشه في الصدر
▪ترجيع لبن مجبن
▪حمام برائحه كريهه او ملزج او مخضر
▪مغص متكرر وانتفاخات

-العلاج .. اهم حاجه الوقايه

▪قبل اي حاجه ابعد عن اي مُسببات زي (العطور والروايح النفاذه والدخان والاتربه )
▪بلاش مسح الانف بمناديل معطره
▪بلاش نفرش سجاد اوووفر في البيت
▪الفرش والمخدات يكون ليهم cover
▪نبعد عن اي حاجه فيها فرو
▪بلاش حيوانات اليفه في البيت.
▪التهويه مطلوبه جدا جدا
▪بلاش نخرج لو الجو فيه تراب ولو خرجنا لازم يغسل راسه وايديه.
▪الام بلاش تنشر هدوم الطفل اللي عنده حساسيه في الهوا برا.

-علاجها في الاطفال قبل 6شهور

◇ قطارات محلول الملح
زي لايس واتروفين بيبي سالين وغيرهم
◇ بخاخات ماء البحر
زي فيزومير بيبي وغيرها
--الاستخدام كل ساعتين قبل الرضاعه
اللي يقولك غلط ازعلي منه ومتروحيش ليه تاني
◇ مضاد الحساسيه
▪فنستيل او زيرتك لمده اسبوع مش أكتر
▪لازم تفصلي اسبوع او اتنين قبل ماتكرري تاني وتدي الزيرتك او الفنستيل
☆في حاجات تانيه بواكي منتيلوكاست
زي سنجيولير او ويست اير وغيرهم
▪ويستمر عليها من {من شهر الى ٣ شهور } مش طول السنه زي مالناس بتعمل.

-العلاج بعد 6 شهور الى سنه

▪الاختلاف في العلاج اننا ممكن نزود جرعه مضاد الحساسيه الي{ 15 يوم متواصله}
▪ممكن ندي اتروفين اطفال لمده 3ايام بس.

-العلاج بعد السنه الاولى من العمر

☆بخاخه نازونكس او فليكسينوز
بطريقه معينه وجرعات متفاوته حسب العمر
بحيث لاتقل عن مره في اليوم ولاتزيد عن 3 مرات حد اقصي واقل مده في الصيف شهر وفي الشتاء طول الشتاء
☆بندي معاها مضاد الحساسيه
(زى تلفاست... كلارتين... زيرتك لمده شهر ونفصل وممكن نكمل تاني)
☆ممكن بريديزول شراب بجرعه من 1 الي 2 ملي لكل كيلو لمده 5 ايام بس.لو الحساسية شديدة
☆ندي منتيلوكاست اكياس
زي وست اير وسنجلوير واخواته لمده من ٣شهور الى ٦ شهور .
 *لو فيه التهابات وسخونيه ونزول افرازات ملونه من الأنف بلون اصفر او اخضر ...
     ساعتها بندي مضاد حيوي غير كده لا

-الاكل والحساسية

▪موضوع الاكل والحساسيه عموما وحساسيه الانف خاصه فى اختلاف كتير بس نقول انه حسب ملاحظة الام .
▪مبدئيا السمك واللبن والبيض والشيكولاته والموز والفراولة اشهر اشياء بيزيد حساسيه الأنف مع تناولها.. تنبه على الام تلاحظ زياده الأعراض مع اكلهم ولا .
▪لو مافيش ذياده فى الأعراض يبقى ما فيش مانع منهم


عن الكاتب

الحدث السابع مالك ومؤسس
الحدث السابع
https://www.hadath7.com
جريدة صوت الحق
http://www.sowtalhaq.com
جريدة الجيزة الآن
http://www.gizanow.com
مجلة انا وطفلي
http://www.anawtifly.com
مجلة حلوتي
http://www.helwaty.com
مشاركتك بالتعليق تعنى أنك قرأت بروتوكول نشر التعليقات على الحدث السابع وأنك تتحمل المسئولية الأدبية والقانونية عن نشر هذا التعليق
بروتوكول نشر التعليقات من الحدث السابع

التعليقات

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

© 2018 حقوق النشر محفوظة لـ

الحدث السابع