اخر مره قولتلها بحبك
كانت من سنيين؛
وكان ردها انت مين
ايوة يعني ايه المطلوب
ابتسملك ابتسامه خفيفه
وابعتلك شويه قلوب
كان ردها دبش
وعليها ضحكه جريئه
ومبتخفش؟
صارحتها بكام حكايه
بشويه مشاعر محيلتيش غيرهم
شايلهملها جوايا.
وعن نقطه ضعفي
ايوة الي هي يعني
وعن لخبطي فالكلام
وعن تلاكيكي فالمناسبات
علشان امديلها ايدي فالسلام
عن مشاعر كتير تتحس
ومتتحكيش
عن عدد الثواني الي بفتكرك فيهم
ومنستكيش
عن اسمك الي بفرح لما بيجي
فوسط الكلام
عن الحزن الي مابيفارقش العين
لما اشوفك فالاحلام
فيه وطن بيعيش بجيشه
الي من غيره بيدمر وبيموت
وانتي جيشي
الي من غيره الوطن بينعدم وبيموت.
وفالاخر تقوليلي انت مين؟
شعر/حنا عادل النجار
بروتوكول نشر التعليقات من الحدث السابع