التسميات [posts7]

إغلاق القائمة

افضل روتين لنضارة وتفتيح البشرة خلال اسبوع واحد فقط

افضل روتين لنضارة وتفتيح البشرة خلال اسبوع واحد فقط
    افضل روتين لنضارة وتفتيح البشرة خلال اسبوع واحد فقط
    افضل روتين لنضارة وتفتيح البشرة خلال اسبوع واحد فقط

    اول نصيحة وهي عدم الافراط في تقشير البشرة:

    لو انتي بشرتك دهنية فتقدري تطبقي عملية التقشير من مرتين لثلاثة مرات في كل اسبوع، ولكن لو بشرتك جافة او حساسة فالمفروض تستخدمي مقشر خفيف للبشرة وتكون مرة واحدة بس كل اسبوع، اهم حاجة متزيديش او تقلي عن المعدل ده خلال كل اسبوع لأن الافراط في تقشير البشرة ممكن يؤدي لازالة خلايا الجلد السليمة و تعريض بشرتك للبكتيريا

    وفي نوعين من التقشير وهو " التقشير الميكانيكي او التقشير الكيميائي، والتقشير الميكانيكي عبارة عن الخلطات الطبيعية المخصصة للتقشير والي بيكون في مكوناتها ملح و سكر .. او التقشير الكيميائي الي بيكون في مستحضرات التقشير وبيحتوي علي حمض اللبنيك او الجليكوليك او الستريك، علشان كدة بنقترح عليكم افضل مقشرات للبشرة طبية و اَمنة تقدر

    اهمية ارتداء قبعة اثناء الخروج للشمس
    اهمية ارتداء قبعة اثناء الخروج للشمس


    ثاني نصيحة وهي: اهمية ارتداء قبعة اثناء الخروج للشمس

    كثير من البنات مش بتحب استخدام واقي الشمس او مستحضرات العناية بالبشرة بشكل عام .. عشان كدة يفضل ارتداء القبعات عند التعرض للشمس وده علي الاقل هيخفف من نسبة تأثير اَشعة الشمس علي البشرة




    ثالث نصيحة وهي تنظيف البشرة بلطف:

    كتير من البنات وقت تنظيف بشرتها ايا كانت بصابون او بمنظفات او غسول بتفرط في الكمية او بتدلك البشرة بشكل شديد وده تم اثباته علمياً انه ضاَر للبشرة و مسامات البشرة، عشان كدة وقت تنظيفك للبشرة لازم تستخدمي الماء الدافيء و التدليك بلطف و التنظيف المزدوج الي كنا اتكلمنا عنه في فيديو اهم 5 قواعد للعناية بالبشرة، وننصحكي بمتابعة وشراء افضل منتجات اي هيرب للبشرة الدهنية والمختلطة والجافة .. منتجاتهم موثوقة 100% ومتوفر التوصيل لكافة الدول العربية

    هي تنظيف البشرة بلطف
    هي تنظيف البشرة بلطف


    رابع نصيحة: المتابعة و الاهتمام بالبشرة كل 6 شهور

    ليه لازم نتابع بشرتنا كل مدة معينة؟ لان الهرمونات بتتغير وممكن تأثر عليها في كل فترة، غير تغير فصول السنة فعشان كدة لازم علي الاقل كل 6 شهور تتابعي بشرتك وتتاكدي اذا كانت محتاجة روتين جديد للعناية او مستحضر جديد للعناية بيها ..

    خامس نصيحة: اهمية الماء الدافيء لجمال بشرتك

    بعض التجارب اجريت علي ستات كتيرة اثبتت انك لو كل يوم بتدلكي بشرتك مرتين مرة الصبح و مرة قبل النوم بمياه دافية فده هيعود عليكي بفائدة كبيرة جدا خلال تقدمك بالعمر وهيمنع اي علامات شيخوخة انها تظهر علي بشرتك و هيمنع اي حبوب او رؤوس سوداء انها تظهر .. عشان كدة الامر بسيط اول ماتصحي من النوم شوية مياه دافيين واشطفي وجهك ومرة قبل النوم، نقترح عليكي انك تشتري منظف للبشرة من نيتروجينا

    سادس نصيحة وهي: اختبار المستحضر قبل استخدامه ..

    ضروري جدا جدا قبل ماتبدئي في استخدام اي مستحضر وخصوصاً المستحضرات الي بنستخدمها علي وشنا اننا نعملها عملية اختبار، وديه بتم عن طريق وضع كمية صغيرة جدا علي الذراع الداخلي عشان نشوف وقتها ازاي هتتفاعل بشرتنا مع المستحضر ده وهل هيسبب حساسية ولا هيكون اَمن علي البشرة..

    سابع نصيحة وهي: عدم الخوف من حساسية البشرة من بعض المنتجات

    ازاي طيب عدم الخوف ؟ في بعض المنتجات بيكون مكتوب علي الارشادات الخاصة بيها انها قد تسبب لتهيج بسيط وحساسية في البشرة ولكن مفيش داعي للقلق لأن اجريت عدة ابحاث من قبل اخصائية الامراض الجلدية الشهيرة " دوريس داي " ان الاعراض ديه بتكون نتيجة تفاعل مكونات المنتج مع البشرة وان كدة فعلا بيحصل شفاء للبشرة، ودايما الاعراض ديه بتكون مكتوبة علي المنتجات المخصصة لعلاج حب الشباب او الرؤوس السوداء و الحبوب بشكل عام .. عشان كدة ضروري انك تقري ارشادات اي مستحضر هتستخدميه علي بشرتك !

    التبديل مابين روتين البشرة
    التبديل مابين روتين البشرة


    النصيحة الثامنة والاخيرة وهي: التبديل مابين روتين البشرة

    تم اثبات علمياً ان مهم جداً علي كل بنت بتطبق روتين للعناية بالبشرة انها تصنع اكثر من روتين خاص بيها، وتسجلهم في Note نوت عشان متنساهمش، وتبدل مابينهم وتدي لكل روتين سنة كاملة او كل 6 شهور .. والسبب بيرجع لتغير فصول الشتاء .. في روتين مثلا بتضيفيله واقي شمس ومرطبات للبشرة خلال فترة الصيف، ولكن في فصل الشتاء احنا مش محتاجين واقي الشمس !! عشان كدة ضروري جدا تصممي 3 روتينات مخصصة للعناية ببشرتك وتبدلي مابينهم في كل سنة





    النصيحة التاسعة وهي النوم لفترات كافية:

    اثبتت الدراسات ان الشخص البالغ مننا بيحتاج من 7 ساعات لـ 9 ساعات نوم يومياً عشان يحصل علي بشرة جميلة ونضرة وخالية من البهتان ... غير كمان ان بعض المختصين في معهد كارولينا اثبتوا ان النوم اقل من 7 ساعات بس لمدة يومين ورا بعض كافيين انهم يخلوا مظهرك مرهق ومتعب جدا، وبعد فترة قصيرة طلبوا من 50 طالب يقسموا بعض فريقين كل فريق يكون 25 طالب، اول فريق هينام من 7 ساعات لـ 9 ساعات لمدة 3 ايام ورا بعض وتاني فريق هيكتفي بس بالنوم من 5 ساعات لـ 7 ساعات بس لمدة 3 ايام برضه

    وبعدين الدكاترة المختصين في المعهد قرروا يلقطوا صور للفريقين بدون مكياج اكيد عشان يعرضوا الصور علي باقي طلاب المعهد ويقولوا رايهم بخصوص انهي من الفريقين الواضح عليهم التعب والارهاق اكتر



    وكانت النتيجة ان تم التوصيت بنسبة 80% علي ان الفريق الي نام 5 ساعات بس هو الفريق الاكثر ارهاقاً وباين عليه التعب، وده مقابل 20% تصويت ان الفريق الاول الي نام من 7 لـ 9 ساعات هو الي مرهق اكتر



    وده اثبت ان النوم اقل من 6 ساعات كل يوم هيأثر بشكل كبير علي مظهرك الخارجي وهيخلي شكلك يظهر انه اكبر بسنتين كاملين من عمرك الاساسي، وحاجة كمان مهمة وهي ان الدكتور " جايل بروير " استاذ علم النفس بجامعة ليفربول ان النوم هو المصدر الرئيسي وبشكل اساسي لصحة الانسان ونوه بشدة ان النوم خلال فترة الليل بيخلي الجسم يتعافي بشكل كبير اوي ويعالج كاَفة المشاكل بيه حتي انه بيزود من قوة جهازه المعاني .. عشان كدة ابدئي يومك في الصباح او مع طلوع الفجر وكل يوم لازم تخصصي  من 7 لـ 9 ساعات نوم .. ولاحظي الفرق بعد شهرين وهتحسي بتغيير كبير ...



    طيب خلونا نتكلم في فوائد النوم الاساسية للبشرة بالترتيب كدة:

    أول فائدة وهي ان النوم بيقلل من ظهور تجاعيد الوجه بشكل كبير، وده عن طريق إفراز مادة الكولاجين وطبعا زي ماكلنا عارفين ان كل مازاد الكولاجين في الجسم زادت معاه جمال ونضارة بشرتنا.



    ثاني فائدة  وهي ان النوم بيحسن مظهر العيون وبيزيل السواد الي حوالينها بشكل ملحوظ اوي واكيد كلنا بنلاحظ كدة، دكتور " درويس داي " استاذ الامراض الجلدية في جامعة نيويورك بيأكد علي ان ظهور الهالات السوداء و التورم البسيط الي بيظهر تحت العيون بيبقا ناتج عن قلة النوم وبيأكد برضه علي اننا لازم ننام بحد ادني 53 ساعة كل اسبوع.



    ثالث فائدة وهي هل للنوم فائدة فعلا لنمو بصيلات شعرنا وصحتها ؟ نوه الدكتور " مايكل بريوس " ان الاجهاد والارهاق الناتج عن قلة النوم بيسبب زيادة في هرمون الكورتيزول ووقتها بيبدء تساقط الشعر في الظهور وبشكل كبير جدا، غير كمان انه أكد علي حاجة مهمة اوي وهي ان بصيلات شعرنا بتستمد الفيتامينات و المعادن اثناء النوم فقط .. عشان كدة ضروري جدا اننا ناخد قسط كافي من النوم وخصوصا في الليل.



    رابع فائدة وهي فائدة هتستغربوا جدا منها، النوم مفيد لو انتي بتستخدمي منتجات للبشرة.. طيب ليه وايه السبب ؟ .. اثبتت دراسة مؤخراً ان النوم بيساعد خلايا الجلد علي النمو والتجديد المستمر بفعالية اكبر، وده عن طريق تدفق الدم للخلايا وبيساعد علي امتصاص واستخلاص اكبر قدر من المنتجات الي بتحطيها علي بشرتِك في النهار، عشان كدة ضروري اوي النوم بشكل كافي عشان تستفادي من الكريمات ومنتجات العناية بالبشرة المتنوعة ...

    الحدث السابع
    كاتب ومحرر اخبار اعمل في موقع الحدث السابع .

    الأخبار المتعلقة

    مشاركتك بالتعليق تعنى أنك قرأت بروتوكول نشر التعليقات على الحدث السابع، وأنك تتحمل المسئولية الأدبية والقانونية عن نشر هذا التعليق
    بروتوكول نشر التعليقات من الحدث السابع
    تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.