الحدث السابع الحدث السابع
جدول مباريات كأس العالم روسيا 2018
recent

الحدث

recent
أخبار عاجلة
جاري التحميل ...

التطعيمات والأطفال

كتير من اطفالنا بيعانوا من نقص مناعتهم و تكرار التعب عليهم
وكتير بنفكر ازاي نرفع المناعة و ندي ايه لاطفالنا عشان مناعتهم تتظبط
بس بننسى دايما اهم حاجة
《الوقاية خير من أي علاج》
☆ الطفل لما بيتعب كتير بياخد ادويا شديدة و دي بتاثر كتير في مناعته .
☆عشان نقدر نبنيها الموضوع بياخد وقت طويل و مجهود و كمان مينفعش الطفل يتعب بسرعة تاني
☆ فلو الطفل تعب مرتين ورا بعض في اقل من شهر مناعته بتبقى تحت الصفر
وعشان نبنيها تاني ده بياخد وقت طويل و الطفل ممكن يفضل سنتين على ما يتعافى كلية من التاثير ده
☆ وطبعا ده غير ان نقص المناعة ده بيخلي الطفل عرضة لامراض كتيرة ورا بعضها .. دايرة مغلقة صعب نطلع منها

طيب و الحل؟
نقول تاني
《الوقاية خير من اي علاج》
1•حافظي على طفلك و متخليهوش يتعب
2• متاكليهوش بدري قبل 6 شهور
3•متوديهوش حضانة و السلام . شوفي هي فعلا حضانة كويسة ولا اي كلام
4• متعرضيهوش لاخوه ولا عمه ولا جدته التعبانين .. مهو اكيد هيتعب هو كمان
5• حاولي تطعميه التطعيمات الاضافية الضرورية اشمعنى؟
▪التطعيمات بشكل عام الي بنخدها فى الصحه هدفها انها تحمي الاطفال من امراض شديدة جدا
☆بس اللي ناس كتير مش عارفاه ان التطعيمات دي ناقصة مجموعة مهمة جدا من التطعيمات الناس عرفتها باسم

#التطعيمات الاضافية

▪بس اللي ناس كتير مش عارفاه ان برا مصر في بلاد كتيرة التطعيمات دي بتتاخد دورية مع التطعيمات الدورية عشان اهميتها و خطورة الامراض اللي بتحمي الطفل منها

#زي ايه ؟

💠 زي تطعيم الروتا
اللي بيحمينا من النزلات المعوية ( الاسهال + الترجيع + السخونية+ الجفاف )
💠زي تطعيم المكورات الرئوية
اللي بيحمينا من النزلات الشعبية و الرئوية ( كحه شديدة +بلغم ع الصدر + صعوبة في التنفس + نهجان شديد )
💠زي تطعيم الالتهاب السحائي
( سخونية شديدة + تشنجات + غيبوبة + توهان و تغيير في الشخصية )
💠زي تطعيم الالتهاب الكبدي الفيروسي الف 《HAV》
( اصفرار في الجسم + تضخم في الكبد+ علو انزيمات الكبد+ فقدان الشهية + وجع شديد في البطن )
💠زي تطعيم الجديري المائي
(طفح جلدي + سخونية + فقدان للشهية )
■ طبعا الامراض دي للاسف رغم خطورتها مش مدرجة في جداول التطعيمات الدورية
...الالتهاب السحائي بدؤوا يدوه للاطفال في المدارس و الحضانات و دي خطوة جيدة
🔻بس الباقي مهم جدا و اتمنى ييجي اليوم اللي يندرجوا فيه مع بقية

1.تطعيم الروتا

▪ ممكن يتاخد من سن شهر و نص لحد سن 8 شهور
احسن وقت لاول جرعة هو بين سن 3 و 4 شهور بس مش معنى كده انه ضروري ياخدهم ساعتها . لو عدينا الوقت ده ممكن ياخدها لحد سن 8 شهور عادي
▪ فيه نوعين من التطعيم ..
نوع اسمه روتاتيك و ده 3 جرعات بحد اقصى بيتاخدوا بفارق شهر ع الاقل و سعره ب 350 ج
▪ و فيه الروتاريكس و ده بيتاخد ع جرعتين بينهم شهر لشهرين و سعره 400 ج
بيحمي الطفل من اي نزلة معوية بيسببها فيروس الروتا و هو مسئول عن 75% من النزلات المعوية للاطفال و نسبة تعليق المحاليل بالوريد فيه و حجز المستشفيات رهيبة ممكن توصل ل 90%

2. تطعيم المكورات الرئوية

▪وده بيحمي الطفل من ميكروب النيموكوكاي و ده المسئول عن الالتهابات الشعبية الشديدة و الالتهابات الرئوية و تسمم الدم و بتعمل كمان التهاب على المخ
▪فيه منه نوعين و الاتنين بيتاخدوا بنفس النظام
1•نوع اسمه بريفنار و ده ب 425ج
2•نوع تاني اسمه سنفلوريكس و ده ب 300 ج
☯️لو الطفل اقل من 6 شهور بياخد 3 جرعات بحد اقصى فارق بين كل جرعة و التانية م شهر لشهرين و بياخد بعدهم جرعة تاكيدية من سنة لسنة و نص
☯️ لو عمر الطفل من 7 شهور ل 11 شهر بياخد جرعتين بحد اقصى فارق زمني بينهم شهر و بعدها بياخد جرعة تانية تاكيدية من سنة لسنتين
☯️ لو عمر الطفل من سنة لسنتين بياخد جرعتين فارق زمني شهرين
لو عمر الطفل اكبر من سنتين بياخد جرعة واحدة بس
☯️هو مختلف تماما عن تطعيم الانفلونزا الموسمية و مفيش اي علاقة ما بينهم .
☯️ هو بيتاخد ع حسب جدول الجرعات و مش بيتكرر تاني مدى الحياة زيه زي اي تطعيم تاني
☯️ اي طفل عنده حساسية ضروري ياخده
☯️ اي طفل انحجز في حضانة او داخلي او عناية ضروري ياخده
☯️اي طفل بيجيله تعب متكرر بكحه على الصدر شديدة ضروري ياخده

3.تطعيم الجديري المائي

● وده بيحمي طفلنا من الاصابة بمرض الجديري المائي
●المرض ده بينتشر زي الوباء بين اطفالنا بمعدل عدوى عالي للغاية
●عادة مش بيعمل مشاكل بس فيه نسبة منه بيتسبب بمشاكل كبيرة جدا لو اصاب الامهات الحوامل او الاطفال حديثي الولادة
◇ هو بيتاخد على جرعتين بفارق شهرين بين الجرعة و التانية و سعره ب 300 جنيه و ممكن يتاخد من بعد عمر سنة

4.تطعيم الالتهاب الكبدي الفيروسي ا

《HAV》
🌠و ده بيحمي اطفالنا من التهاب الكبد اللي بيتسبب فيه الفيروس A
💮وعلى الرغم من ان اغلب الاطفال بيخفوا بفضل الله بس للاسف نسبة منهم ممكن تحصلهم مضاعفات تصل للوفاة
🍁عشان كده الطفل ممكن يتطعم ضده بدءا من سن سنة بجرعة واحدة تمنها حوالي 300 ج

5.تطعيم ضد الالتهاب السحائي

♦️متوفر دلوقتي في المدارس
طبعا مش محتاج اتكلم عنه بس باختصار اي طفل اتعرض للمرض ده مبيخفش منه الا باثار دمار دائم في المخ بيختلف شدته من طفل لطفل
🎲اخيرا احب افكركم
《الوقاية خير من اي علاج》

#ملحوظة هامة

١.التطعيمات الإضافية مهمة جداً ،، لو مش هتقدرى تاخديها كلها خدى الروتا والمكور وذلك أضعف الإيمان !
٢. لو طفلك عمره ٣ شهور و ٢١ يوم وماخدش الجرعة الأولىٰ خلاص الروتا راح عليه ، أقصىٰ معاد لأخذ آخر جرعة روتا ٨ شهور ٨ ويوم لأ!
٣. المكور الرئوى والروتا بيبدأوا من شهر ونصف
▪الانفلونزا بعد ٦ شهور
▪الكبدى أ والجديرى من سنة واحنا طالعين
▪المكور مش بعد خمس سنين
▪ الحمى الشوكية بعد سنتين في الأماكن اللى مش فيها "وباء" -زى مصر


عن الكاتب

الحدث السابع مالك ومؤسس
الحدث السابع
https://www.hadath7.com
جريدة صوت الحق
http://www.sowtalhaq.com
جريدة الجيزة الآن
http://www.gizanow.com
مجلة انا وطفلي
http://www.anawtifly.com
مجلة حلوتي
http://www.helwaty.com
مشاركتك بالتعليق تعنى أنك قرأت بروتوكول نشر التعليقات على الحدث السابع وأنك تتحمل المسئولية الأدبية والقانونية عن نشر هذا التعليق
بروتوكول نشر التعليقات من الحدث السابع

التعليقات

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

© 2018 حقوق النشر محفوظة لـ

الحدث السابع